Քիմիա
Մաքուր և համասեռ նյութեր
Մաքուր նյութը ունի հաստատուն բաղադրություն, խիստ որոշակի կառուցվածք և խիստ որոշակի հատկություններ:
Խառնուրդները դրանք մի քանի նյութերից կազմված համակցություններ են, որտեղ նյութերը պահպանում են իրենց հատկությունները:
Խառնուրդները բաժանվում են երկու մասի՝ համասեռ և անհամասեռ:
Համասեռ են կոչվում այն խառնուրդները, որտեղ խառնուրդի բաղադրիչ մասերը չենք կարող տեսնել անզեն աչկով:
Անհամասեռ են կոչվում այն խառնուրդները, որտեղ խառնուրդների բաղադրիչ մասերը կարող ենք տեսնել անզեն աչկով:
Սարքավորումներ` Լաբորատոր կալան, սպիրտայրոց, բաժակ, ձագար, ֆիլտրի թուղթ, ապակե ձող, կոլբ, ճենապակյա թաս
Ազդանյութեր`կերակրի աղ, ջուր
Բաժակում լցրեք աղտոտված կերակրի աղը և վրան ավելացրեք ջուրը, խառնեք ապակե ձողի միջոցով: Ինչպիսի՞ խառնուրդ ստացաք: Ստացված պղտոր հեղուկը ֆիլտրեք: Չլուծվող մանր մասնիկները հեղուկից բաժանելու նպատակով օգտագործում են չսոսնձված ծակոտեն թուղթ, որից և պատրաստում են ֆիլտր:
Ֆիլտրի թղթի պատրաստումը պատկերված է նկարի վրա: Աղի պղտոր լուծույթը ֆիլտրի վրա լցրեք ապակե ձողի վրայով, որի ներքին ծայրն ուղղեք դեպի ձագարի պատը, հեղուկի շիթը պետք է ուղղվի ձագարի պատին: Ինչպիսի՞ խառնուրդ է ստացված ֆիլտրատը:
Ստացված Ֆիլտրատը լցրեք գոլորշացման ճենապակե թասի մեջ, որը տեղադրեք կալանի օղի վրա: Օղի տակ տեղավորեք ու վառեք սպիրտայրոցը այնպես, որ բոցի արտաքին մասը թասի հատակին հպվի, և լուծույթը տաքացրեք: Հեղուկ մերթ ընդ մերթ խառնեք ապակե ձողով, որ չցայտի: Երբ թասի մեջ լուծույթը թանձրանա, տաքացումը դադարեցրեք ու թողեք այնքան, մինչև հեղուկն ամբողջությամբ շոգեհանվի, և առաջացած աղի բյուրեղները լրիվ չորանան:
Ստացված աղը համեմատեք այն աղի խառնուրդի հետ, որը ձեզ տրամադրված էր սկզբում:
Комментариев нет:
Отправить комментарий