Համո Սահյան

Համո Սահյան "Չես ասի ոչ մի բառով"
Ա՜խ, նորից «Բարի ճամփա»,
Ա՜խ նորից «Մնաս բարով»...
Մի տեսակ տագնապ կա, որ
Չես ասի ոչ մի բառով:

Գնում ես, չես էլ ասում,
Թե մեկ էլ երբ ես գալու,
Եկար էլ, ի՞նչ իմանամ
Ո՞ւմ մոտ ես մեղքդ լալու:

Ներիր ինձ, դու իմ բարի,
Իմ խելոք և իմ համառ,
Հարկադիր այս ծիծաղի
Եվ թաքուն լացի համար:

Գնում ես, էլ ի՞նչ ասեմ,
Սովոր եմ, կդիմանամ
Թող կուրծքս մի քիչ ցավի,
Որ սրտիս տեղն իմանամ:

Մի տեսակ տագնապ կա, որ
Չես ասի ոչ մի բառով,
Ա՜խ, նորից «Բարի ճամփա»,
Ա՜խ նորից «Մնաս բարով».

Ի՞նչ տեսարան է բացվում աչքերիդ առջև

Ուշեղ ամպրոպ,կայծակ և քամի,բայց դրանց հետ մեկտեղ թույլ արև։

Բանաստեղծությունից դուրս գրել հատկանիշ ցույց տվող հինգ բառ:
Բարի, խելոք, համառ, թաքուն, երկար։

Երեք գույնով նկարագրել «Չես ասի ոչ մի բառով» բանաստեղծությունը:
Դեղին,կարմիր և կանաչ։

Ի՞նչ անուն կտաս բանաստեղծության մեջ նկարագրվող տագնապին:
Անհանգստություն։

Ինչպե՞ս կբացատրես հետևյալ տողերը.
«Հարկադիր այս ծիծաղի
Եվ թաքուն լացի համար»:

Սահյանը ուզում էր այս տողերով ասել , որ զգացածդ պետք չէ ծածկել ծիծաղով։ Պետք է զգացածդ ցույց տաս , չէ որ այն կարող է իրավիճակը փոխել։