Իմ ամառային արձակուրդները

Սևան

Այս տարի ես հանգստացել եմ Սևանում:Ես շատ եմ եղել Սևանում,բայց այս անգամ երկար  ժամանակով մնացի:Մենք մի կացարանում էինք մնում որտեղից,երբ  դուրս էիր գալիս,միանգամից Սևանն էր երևում ամբողջությամբ: Այնքան գեղեցիկ տեսարան էր իմ առաջ բացվում,որ ուզում էի անընդհատ նայել:Այդ ինձ ոգեշնչում էր , և ես սկսում էի երգել,նույնիսկ երազել:

Վարդևորի տոնը Սևանում անցկացրեցի:Այնքան լավ անցավ ծանոթ անծանոթ  ջրում էին իրար:Հիմա ժպիտով եմ այդ օրերը հիշում:Ծանոթացա ինձ հասակակից աղջիկների հետ :Երեկոյան միասին շրջում էինք,զրուցում Սևանի ափին:Լիարժեք հանգստացանք և լիցքաթափված վերադաձանք տուն:

Սևան ֆոտոպատում

Աղի լիճ

Մի երեկո մեր բակում նստած էինք,ու հայրիկս պատմեց մի պատմություն “Աղի լճի” մասին:Ասում էր,որ լճի ջուրը շատ աղի է,և այնտեղ ոչ ոք չի խորտակվում:Այդ ջուը նաև բուժիչ է:Մարդիկ եթե հավատքով գալիս են այդ վայրը բուժվում են:Մի մեծահարուստ ցանկացել է այդ տարածքը գնել:Առավոտյան երբ եկել է,տեսել է,որ ջուրը ցամաքել է,և նա հրաժարվել է գնել:

Այս պատմությունը լսելով ես հայրիկիս խնդրեցի,որ նա ինձ տանի այնտեղ:Հաջորդ օրը մենք գնացինք “Աղա լիճ”:Ես չէի պատկերացնում,որ այնտեղ այդքան շատ մարդ կարող է լինել:Այնտեղ օտարերկրացիներ էլ կային:Երկու մեծ լիճ էր,մի լճում կարող էիր լողալ,իսկ մյուսում մի քանի րոպեից ավել չէիր կարող մնալ,քանի որ շատ աղի էր:Իսկ ջրից դուրս գալուց հետո,լրիվ աղ էի,ամբողջովին սպիտակել էի:Մի անկյուն էլ կար,որտեղ մաքուր ջուր էր հոսում,սառը ջուր,մտա ջրի տակ ու լվացվեցի:Շատ դուր եկավ ինձ այդ վայրը: 

Աղա լիճ ֆոտոպատում